कडेगाव पलूस मतदार संघात होणार आता काटे की टक्कर ! संग्राम देशमुख यांना महायु्तीकडून उमेदवारी जाहीर
कडेगाव पलूस मतदार संघात होणार आता काटे की टक्कर !
संग्राम देशमुख यांना भारतीय जनता पार्टी कडून अधिकृत उमेदवारी जाहीर
कडेगाव पलूस मतदारसंघ हा चर्चेचा मतदार संघ आहे
याच मतदारसंघातून 2019 च्या विधानसभा निवडणुकीत युती धर्मामुळे ही जागा शिवसेनेला सुटली होती यामुळे माजी मंत्री आमदार विश्वजीत कदम यांचे पारंपारिक विरोधक असलेले देशमुख कुटुंबीय यांनी या निवडणुकीत आपला उमेदवारी अर्ज भरलेला नव्हता त्यामुळे मागील निवडणूक तशी एकतर्फी झाली होती असे म्हणणे वावगे ठरणार नाही मात्र विशेष म्हणजे मागील निवडणुकीमध्ये शिवसेनेचे अधिकृत उमेदवार असलेल्या संजय विभुते यांच्यापेक्षा नोटाचा पर्याय बऱ्याच मतदारांनी अवलंबला होता, जवळपास वीस हजार एवढे मताधिक्य नोटाला पडले होते तर आमदार विश्वजीत कदम यांना विक्रमी मतदान पडून ते महाराष्ट्रात विक्रमी मतांनी निवडून आलेले उमेदवार ठरले होते दरम्यान आता होणाऱ्या 2024 च्या विधानसभा निवडणुकीला भारतीय जनता पार्टी कडून असलेले संग्राम देशमुख यांना अधिकृत उमेदवारी मिळाली असून यामुळे काटे की टक्कर होणार हे मात्र नक्की आहे
जिल्हा परिषद अध्यक्ष असताना संग्राम देशमुख यांनी जी विकासकामे केली त्याचा देखील त्यांना चांगला फायदा होणार आहे संग्राम देशमुख हे दिवंगत नेते संपतराव देशमुख यांचे वारस आहेत तर दिवंगत नेते पतंगराव कदम यांचे वारस आमदार विश्वजीत कदम आहेत
दरम्यान संग्राम देशमुख यांच्या उमेदवारीमुळे भारतीय जनता पार्टीचे कार्यकर्ते जल्लोषात आहेत पण तिकीट जाहीर होणे आणि निवडणूक पार पडणे आणि उमेदवार निवडून येणे याच्यामध्ये खूप काही आहे.
महाविकास आघाडी कडून विश्वजीत कदम तर भारतीय जनता पार्टी कडून अर्थातच महायुतीकडून संग्राम देशमुख असा प्रमुख सामना कडेगाव पलूस मतदार संघात पाहायला मिळणार आहे
पण राष्ट्रवादी शरद पवार गटाचे नेते शरद लाड यांच्या भूमिकेकडेसुद्धा सर्वांचे लक्ष लागून राहणार आहे आमदार अरुण लाड यांचा गट यापूर्वी देशमुख कुटुंबीयांचे निकटवर्तीय म्हणून समजला जायचा मात्र पदवीधरसाठी झालेल्या निवडणुकीत संग्राम देशमुख यांचा अरुण लाड यांच्याशीचं सामना होता त्यामुळे या विधानसभेत लाडांचा गट कोणाची मदत करतो पाहणे गरजेचे आहे की शरद लाड अपक्ष म्हणून उमेदवारी करणार ? शिवसेना उबाटा चे संजय विभुते यांची भूमिका काय असेल तुम्हाला काय वाटते कमेंट करून नक्की सांगा
विश्वजीत कदम यांनी मात्र मैदानावर बॅटिंग चालू केली असून त्यांची विकेट संग्राम देशमुखांना सहजासहजी घेणे खूप अवघड आहे
सुरज जगताप
7757080704
Comments
Post a Comment